सेतोपाटीमा प्रकाशित मितिः आइतबार, मंसिर १५, २०७६ प्याजको मूल्य बढ्दा नेपालीको भान्सा महङ्गो भएको छ। सामान्यतया प्रति केजी ४० रुपैयाँमा पाइने प्याज अहिले खुद्रा बजारमा २ सय पर्छ। उत्पादन कमीका कारण भारतले प्याज निर्यातमा रोक लगाएपछि नेपालमा मूल्य बढेको हो। मंसिर १० गते खुद्रा बजारमा प्याजको मूल्य २५० रुपैँया प्रतिकिलो पुगेको थियो। केही दिनयता भने प्याजको मूल्यमा सामान्य गिरावट आएको छ। भारतबाट नेपालले वार्षिक रुपमा साढे ५ अर्ब बराबरको प्याज आयात गर्ने गरेको छ। पछिल्लो समय नेपाली बजारमा चीनबाट समेत प्याज आयात हुन थालेको छ । नेपालको आन्तरिक उत्पादनले मागको १ प्रतिशत बजार समेत ओगट्न सकेको छैन । नेपालको कञ्चनपुरदेखि झापासम्म प्याज उत्पादन हुन्छ । तर त्यो उत्पादनले तीन महिना पनि धान्दैन । प्याज निर्यातमा भारतीय बन्देज यथावत छ । प्याज पुरानै मुल्यमा आउन समय लाग्ने देखिन्छ। ओरिजिनल लिङ्कः https://www.setopati.com/multimedia/194667
नेपाली नेताहरू सकेसम्म पद छाड्दैनन्। अझ कतिपय नेताहरू वर्षौंदेखि पार्टीको नेतृत्वमा छन्। तर विवेकशील नेपाली दलका अध्यक्ष उज्वल थापाले केही दिनअघि पार्टीको नेतृत्वमा नरहने घोषणा गरे। आफैंले जन्माएको पार्टीबाट उनले एकाएक नेतृत्व नलिने घोषणा गरे। विवेकशील नेपाली दलले मिलन पाण्डेलाई नयाँ अध्यक्षमा निर्वाचित गरिसकेको छ। 'अझ जुझारु, उर्जाशील नेतृत्व आओस् भनेर नेतृत्व छाडेको हुँ', थापाले सेतोपाटीसँग भने, 'नेतृत्व वा पदीय भूमिका भनेको एउटा शक्ति हो र त्यो शक्ति छाड्नुपर्दा हलुंगो र गह्रुंगो दुवै हुन्छ, गह्रुंगो यसकारण हुन्छ कि आफूले लिएको शक्ति अर्काले दुरूपयोग गर्ला कि! भन्ने हुन्छ। कतिपयले डरले शक्ति लिइराख्छन्। तर शक्ति लिइराख्दा त्यसको मातले दुरूपयोगको सम्भावना पनि हुनसक्छ।’ थापा अब पार्टी नेतृत्व छाडेर मध्यमार्गी लोकतान्त्रिक राजनीतिक धारको अभियानमा सामेल हुने बताउँछन्। 'म आफैंमात्र देश बनाउन सक्छु भन्ने अहम् मैले त्याग्नुपर्छ भन्ने जरुरी ठानेँ', थापाले सेतोपाटीसँगको कुराकानीमा भने, ‘हामी डराउनु पर्दैन, अरुले पनि देश बनाउन नविन सोच राख्न पाउँछन्।’ थापा